استخدامات سحرية وحصرية للخل

المساهمات : 84 تاريخ التسجيل : 27/02/2014

10 استخدامات سحرية وحصرية للخل :

1. سلكى الحوض .. لو الحوض بتاعك بينسد امليه لنصه ميه سخنة وضيفى 1/2 كوباية بيكنج صودا ومعاها كوباية خل أبيض .. هيبدأو بالفوران .. صرفى الحوض وعمره ما هينسد تانى

2. عندك بقعة صبغة على الحيط من استيكر أو حاجة كانت متعلقة .. بسيطة حطى الخل الأبيض فى بخاخة سيبيه على المكان المبقع ثوانى وافركية بفوطة بسرعة البقعة هتروح .. كررى الخطوات لغاية ما تتخلصى من البقعة نهائى

3.تعبتى من تنضيف جردل الزبالة وبرده فى ريحة وحشة .. هاتى حتة عيش قديمة غرقيها خل وحطيها فى قعر الجردل طول الليل وبعدين شيليها وودعى الريحة وادعيلى

4. ما تشتريش 500 منظف .. اعملى منظف متعدد الأغراض بنفسك هاتى بخاخة فاضية : املى نصها خل + الباقة ميه +صابون سايل

5. اعملى طارد للحشرات بخل التفاح فى كباية وغطيها باسترتش فيلم بتاع الأكل وخرميها .. وودعى الحشرات الطائرة

6. عندك حاجة مكرمشة أوى وعايزة تفرديها ربع كوباية خل + كوباية ميه وبخيها وعلقيها على الشماعة فى مكان مفتوح شوية والكرمشة هتروح

7. قطتك بتبهداك العفش رشى عليه مية بخل مش هتطيق تقعد عليه

8. حافظى على الورد الطبيعى فى الفازة مدة أطول وحطى فى المية بتاعته شوية خل تفاح

9.نظف أى سطح زجاجى بمزيج الميه والخل بما فيها نضاراتك

10. عندك طاسة تيفال فيها بقعة اغلى كوباية خل وكوبايتين ميه فيها وودعى البقع للابد من غير ما تحكيها وتبوظى الطاسة

منقول