تعطير الفم بالطرق الطبيعيه

المساهمات : 84 تاريخ التسجيل : 27/02/2014

[ltr]طريقة العناية بالفم وتعطيره $تعطير الفم بالطرق الطبيعيه C:\Users\masrawy\AppData\Local\Temp\msohtmlclip1\01\clip_image001$ [/ltr]

[ltr]الكثيرات ينشدن عن حل لمشاكل الفم والنفس في المنتديات رغم تنظيم اسنانهم يوميا مع ذلك يعانون من مشاكل في الفم تسبب الاحراج وعدم الثقه بالنفس اول شي قد تكون مشكلة رائحة الفم هي مشكله من المعده او الامعاء تحتاج لاستشارة دكتور اما السبب الثاني فهو بسبب طريقة تنظيم الاسنان فعشان جذيه قلت اسوي هالملف عشان الكل يستفيد [/ltr]

[ltr]طبعا من اساسيات العنايه بنظافة الفم هو استخدام الفرشاه والمعجون اللي لابد من استخدامهم بعد كل وجبه او على الاقل مرتين في اليوم [/ltr]

[ltr]وفيه انواع كثيره من الفراشي والمعاجين (جمع غير شكل) الفراشي فيه الناعمه والمتوسطة النعومه والخشنه وبصراحه انا اكثر شي يناسبني هو الفراشي الناعمه - طبعا مع الاخذ بالاعتبار شكل الفرشاه لانه الانواع الرخيصه او القصه العاديه ماتنظف وما توصل شعر الفرشاه للاماكن الصعبه او منحنيات الاسنان [/ltr]

[ltr]وفيه طبعا الفراشي اليدويه والفراشي بالبطاريه والكهرباء [/ltr]

[ltr]وهذي بعض انواعها [/ltr]

[ltr]من تجربتي انا جربت اللي بالكهربا واللي بالبطاريه وثنينتهم زينات بس مب اللي كنت اتوقعه يعني مب توب فعشان جذيه قررت اطلبه من النت لانه اللي متوفر في البلاد مب مثل اللي اشوفه في المواقع الاجنبية[/ltr]

[ltr]الحين اني لمعاجين الاسنان واللي متوفره باشكال وانواع ونكهات ،،،، انا صراحه افضل استخدام نوعين من انواع المعجون لغسل الاسنان في كل مره ،،، المره الاولى اغسل اسناني بمعجون طبي لنظافة اكيده للاسنان بس عادة المعاجين الطبية تكون بدون نكهه وطعم مب حلو ،،، وبعد مااغسل اسناني بالماي ارجع مره ثانيه اغسلها بمعجون اسنان تجاري بنكهة النعناع او اي نكهه ثانيه احبها [/ltr]

[ltr]وهذي من انواع المعاجين التجاريه اللي فيها طعم النعناع او المخصصه لازالة اي روائح في الفم[/ltr]

[ltr]معجون كولجيت اليديد بقطع من منعشات الفم [/ltr]

[ltr]هالمعجون من ماركه كامله مخصصه للعناية بالفم وازالة الروائح[/ltr]

[ltr]طبعا استخدام خيط الاسنان مهم جدا لازالة بقايا الطعام من الاسنان [/ltr]

[ltr]الحين شي مهم جدا جدا جدا جدا وعدم استخدامه هو سبب معظم وجود رائحه في الفم وهو منظف اللسان اللي المفروض الكل يستخدمه في كل مره نغسل فيها اسنانا وتتم بازالة الطبقة البيضاء على اللسان [/ltr]

[ltr]هالشكل هو احسن شكل لمنظفات اللسان لانه الانواع الثانيه ماحسيتها بنفس النتيجه[/ltr]

[ltr]منعشات الفم او غسول الفم[/ltr]

[ltr]بعد استخدام منظف اللسان انيي للمرحله الاخيره وهي استخدام غسول الفم والمضمضه لعدة دقائق (انا دقيقه ويحترق لساني)[/ltr]

[ltr]غسول للسان [/ltr]

[ltr]هالسبراي يستخدم (اختياري) للي تريد تعتني بزياده او انها تعاني من رائحه وخايفه فهذا سبراي للسان يعطي ريحه حلوه واكيد زيادة ثقه وهو غير عن سبريهات الفم اللي تنباع في الصيدليات[/ltr]

[ltr]منعشات الفم او نعناع الفم[/ltr]

[ltr]فيه طبعا اشكال وانواع من منعشات الفم لاعطاء رائحه عطره للفم منها حبوب النعناع ومنها اللبان بالنكهات المختلفه ومنها شرائح النعناع (مااحبها) وهذي بعظها وانا كنت افضل حبوب النعناع واللبنان على الشرائح بس تنفع للسرعه وفيها سبريهات للفم (ماجربتها ومااحبها)[/ltr]

[ltr]طبعا هذي منتجات للنظافة الخارجيه اما من الداخل فمعظم مشاكل الفم هي من الطعام اللي نتناوله فمعروف انه هناك اطعمه تطلع روائح في الجسم منها الثوم والبصل والحلبه والكاري والملفوف وغيرها من هالاطعمه فضروري نبتعد عنها او حتى نقللها وممكن بعد استخدام حبوب او كبسولات ناخذها تنظف المعده من هالاشياء وتعطي رائحة فم جميله ورائحة جميلة للجسم ايضا [/ltr]

من النصائح المهمه هي شرب الماء بكثرة لانه الفم الجاف اكثر عرضة لمشاكل من هالنوع

» تعطير المنزل
» الرضاعه الطبيعيه وفوائدها
» القضاء نهائيا على رائحه الفم
» أعشاب لتعطير رائحة الفم
» 10 طرق لتتخلص من رائحة الفم الكريهة